ശരീരവലിപ്പം കുറഞ്ഞതാണിവ. പ്രജനനകാലത്തെ ആൺപക്ഷികൾക്ക് മഞ്ഞത്തേൻകിളിയോടാണു സാമ്യം. ഇവയുടെ മേൽമുതുകിനും മാറിടത്തിലെ പട്ടയ്ക്കും കടുംചുവപ്പും കാപ്പിയും ചേർന്ന നിറമാണ്. മൂർദ്ധാവിന് തിളങ്ങുന്ന പച്ചനിറമാണ്. തോളിൽ പാടുകളില്ല. തൊണ്ടയ്ക്കും അരപ്പട്ടയ്ക്കും തിളങ്ങുന്ന കരിഞ്ചുവപ്പ് (പർപ്പിൾ) നിറമാണ്. വയറിന്റെ ഭാഗം മങ്ങിയ മഞ്ഞനിറത്തിൽ കാണാം. പെൺപക്ഷികളുടെ മുകൾഭാഗത്തിന് ഒലീവ് നിറമാണ്. അരപ്പട്ടയ്ക്ക് കടുംചുവപ്പുനിറമുള്ള ഇവയുടെ അടിഭാഗത്തിന് വിളറിയ മഞ്ഞനിറമാണ്. കൃഷിയിടങ്ങളിലും നിത്യഹരിതവനങ്ങളിലും ഈർപ്പമുള്ള ഇലക്കാടുകളിലും കാണപ്പെടുന്നു.