പ്രജനനകാലത്ത് ആൺപക്ഷികളുടെ മൂർദ്ധാവും മേൽമുതുകും വാലും കറുപ്പുനിറമായിരിക്കും. ഇവയ്ക്ക് വെള്ളനിറത്തോടുകൂടിയ വ്യക്തമായ പക്ഷരേഖകൾ കാണാം. അടിഭാഗത്തിനു മഞ്ഞനിറമാണ്. പ്രജനനേതരസമയങ്ങളിൽ പെൺപക്ഷികളോടു സാദൃശ്യമുള്ള ഇവയുടെ വാലിനും ചിറകുകൾക്കും കറുപ്പുനിറമാണ്. പെൺപക്ഷികൾക്ക് മഞ്ഞകലർന്ന പച്ചനിറമാണ്. ഇവയുടെ വാൽ പച്ചനിറത്തോടുകൂടിയതാണ്. വെളുത്ത പക്ഷരേഖകളുമുണ്ട്. തിങ്ങിനിറഞ്ഞ വനപ്രദേശങ്ങളിലും കാടുകളിലും കാണാം.