തിളങ്ങുന്ന കറുപ്പുനിറത്തോടുകൂടിയ മുകൾഭാഗമുള്ള ഇവയുടെ അരപ്പട്ടയിലും നീളമേറിയ വാലിന്റെ വശങ്ങളിലും വെള്ളനിറമുണ്ട്. അടിഭാഗം ഇരുണ്ട ചെമ്പൻനിറമുള്ള ഇവയ്ക്ക് തൊണ്ടയിലും മാറിടത്തിലും കറുപ്പുനിറമുണ്ട്. പെൺപക്ഷികൾക്കാവട്ടെ ഈ കറുപ്പുനിറത്തിനു പകരം ചാരനിറമാണ്. അടിഭാഗം വിളറിയ ചെമ്പൻ നിറമാണ്. വാലിന്റെ നീളം ആൺപക്ഷികളെ അപേക്ഷിച്ച് ചെറുതാണ്. മുളങ്കാടുകളിലും കാടുകളിലും കണ്ടുവരുന്നു.