പ്രജനനകാലത്ത് പക്ഷികളുടെ കഴുത്തിനും തലയ്ക്കും തൊണ്ടയ്ക്കും മാറിടത്തിനു മുകൾഭാഗത്തും തിളങ്ങുന്ന കറുപ്പുനിറമാണ്. തലയിൽ ചെറിയ കറുത്ത ശിഖയുണ്ട്. ചിറകുകൾക്ക് ഇരുണ്ട നിറമാണ്. വാലിന് നീലകലർന്ന തിളങ്ങുന്ന പച്ചനിറമാണ്. മേൽമുതുകിനും അടിഭാഗത്തിനും റോസ്പിങ്ക് നിറമാണ്. പ്രജനനേതരപക്ഷികൾക്കും പ്രായപൂർത്തിയാവാത്തവയ്ക്കും പൊതുവെ ബ്രൗൺനിറത്തോടുകൂടിയ തൂവൽപ്പൂടയാണുള്ളത്. എന്നിരുന്നാലും ചില സമയങ്ങളിൽ തിളങ്ങുന്ന പച്ചനിറവും കാണാറുണ്ട്. ഗ്രാമങ്ങളിലും നഗരപ്രദേശങ്ങളിലും കൃഷിയിടങ്ങളിലും കാണാം.