ചെമ്പൻ നിറം കലർന്ന തവിട്ടുനിറത്തോടുകൂടിയ മുകൾഭാഗവും ഇരുണ്ട ചെമ്പൻ നിറത്തോടുകൂടിയ അടിഭാഗവുമാണിവയ്ക്ക്. മൂർധാവ് ചാരനിറത്തോടുകൂടിയതും കണ്ണിനും കൊക്കിനുമിടയിലുള്ള ഭാഗം ഇരുണ്ടതും കണ്ണ് മങ്ങിയ മഞ്ഞനിറത്തോടുകൂടിയതുമാണ്. കൊക്കിന്റെ മുകൾഭാഗം കറുപ്പുനിറത്തിലും കീഴ്ഭാഗം മഞ്ഞനിറത്തിലുമാണ്. പശ്ചിമഘട്ടമലനിരകളിൽ മാത്രം കാണപ്പെടുന്നു. നിത്യഹരിതവനങ്ങളിലും കാപ്പിചായ തോട്ടങ്ങളിലും ഈർപ്പമുള്ള ഇലക്കാടുകളിലും മുളങ്കാടുകളിലും കണ്ടുവരുന്നു.