പ്രജനനകാലത്തെ ആൺപക്ഷികളുടെ മൂർദ്ധാവിന് മഞ്ഞനിറമാണ്. മുകൾഭാഗം ഇരുണ്ട കാപ്പിനിറത്തിൽ മഞ്ഞവരകളും പാടുകളും നിറഞ്ഞതാണ്. തൊണ്ടയ്ക്കും ചെവിത്തടത്തിനും ഇരുണ്ട നിറം. മാറിടം മഞ്ഞനിറത്തിലും അടിഭാഗം മങ്ങിയ മഞ്ഞനിറത്തിലും കാണാം. പെൺപക്ഷികളുടെ മങ്ങിയ മഞ്ഞനിറത്തിലുള്ള മുകൾഭാഗം ഇരുണ്ട വരകളും പാടുകളും നിറഞ്ഞതാണ്. കൺപുരികം മങ്ങിയ മഞ്ഞനിറത്തിലാണ്. പ്രജനനേതരകാലത്ത് ആൺപക്ഷികളുടെ മുകൾഭാഗത്തെ പാടുകൾ പെൺപക്ഷികളെക്കാൾ ഇരുണ്ടതായിരിക്കും. വെള്ളക്കെട്ടുകളിലും വയലുകളിലും പുൽമേടുകളിലും കാണപ്പെടുന്നു.