താരതമേന്യ നീളമേറിയതും മങ്ങിയ ചാരനിറത്തോടുകൂടിയതുമായ ഇവയുടെ വാലിന്റെ അറ്റം കറുപ്പാണ്. മേൽമുതുകിനും ഗുദത്തിനും ചെമ്പിച്ച തവിട്ടുനിറമാണ്. മുഖത്തിനും തൊണ്ടയ്ക്കും ചിറകുകൾക്കും കറുപ്പുനിറമുണ്ട്. പിൻകഴുത്തും അടിഭാഗവും വെള്ളനിറത്തോടുകൂടിയതാണ്. ചിറകിന്റെ വശങ്ങളിൽ വെള്ളപ്പാടുകളുണ്ട്. പശ്ചിമഘട്ടത്തിൽ മാത്രമുള്ള ഈ പക്ഷിയെ നിത്യഹരിതവനങ്ങളിലും അതിനോടു ചേർന്നുകിടക്കുന്ന ദ്വിതീയ വനങ്ങളിലും കൃഷിയിടങ്ങളിലും കാണുന്നു.