തലയ്ക്കും(കിരീടഭാഗം) പിൻകഴുത്തിനും മേൽമുതുകിനും തവിട്ടുകലർന്ന ചുവപ്പുനിറമുള്ള ഇവയുടെ താടിയും തൊണ്ടയും മഞ്ഞനിറത്തോടുകൂടിയതാണ്. തവിട്ടുകലർന്ന ചുവപ്പും കറുപ്പും ചേർന്ന കണ്ഠമാലയുണ്ട്. മുകൾഭാഗം പച്ചനിറമുള്ളതും വാലറ്റം രണ്ടായി പിളർന്നതുമാണ്. ഇവയ്ക്ക് കമ്പിവാലുകൾ കാണാറില്ല. കാടുകളിലും മരങ്ങൾ തിങ്ങിനിറഞ്ഞ് ജലസമൃദ്ധമായ പ്രദേശങ്ങളിലും കണ്ടുവരുന്നു.