പ്രജനനകാലത്ത് തിളക്കമാർന്ന കറുപ്പുനിറമാണ് ഇവയുടെ തൂവൽപ്പൂടയ്ക്ക്. തലയുടെ വശങ്ങളിൽ വെള്ളനിറത്തിലുള്ള പാടും കാണാം. കറുപ്പുനിറത്തിലുള്ള ഇവയുടെ കൊക്കിന്റെ അറ്റം വളഞ്ഞതാണ്. പ്രജനനേതരസമയത്ത് മങ്ങിയ കറുപ്പുനിറത്തിലുള്ള ഇവയുടെ താടിയും തൊണ്ടയും വെള്ളനിറമാണ്. ആൺപെൺ വ്യത്യാസമില്ല. വെള്ളക്കെട്ടുകളിലും കുളങ്ങളിലും പുഴകളിലും തീരപ്രദേശങ്ങളിലും കാണപ്പെടുന്നു.