ഒലീവ് കാപ്പിനിറത്തോടുകൂടിയ മുകൾഭാഗമുള്ള ഇവയുടെ മൂർദ്ധാവിന് ചാരകലർന്ന കാപ്പിനിറമാണ്. കൺപുരികം നീളമേറിയതും വെള്ളനിറമുള്ളതുമാണ്. കണ്ണിനുകുറുകെ ഒരു കറുത്ത വരയുണ്ട്. താടിയിൽ കറുപ്പില്ല. കടും ചെമ്പൻ നിറത്തോടുകൂടിയ അടിഭാഗമുള്ള ഇവയുടെ താടിക്കും തൊണ്ടയ്ക്കും കവിൾത്തടത്തിനും ചാരനിറമാണ്. മാറിടത്തിലും തൊണ്ടയിലും വിളറിയ വെള്ളനിറമുള്ള വരകളും പാടുകളുമുണ്ട്. ഉയരമുള്ള കുന്നുകളിലെ പൊന്തക്കാടുകളിലും ഷോലകളിലും പുൽമേടുകളിലും കാണപ്പെടുന്നു.