മണൽനിറമുള്ള പുറംഭാഗവും കറുപ്പുനിറമുള്ള അടിഭാഗവുമുള്ള ഇവയുടെ മൂർധാവും പിൻകഴുത്തും ചാരനിറത്തോടുകൂടിയതാണ്. കൊക്കിനും കണ്ണിനുമിടയിലുള്ള ഭാഗം കറുത്തതും കവിളുകൾ വെളുത്തതുമാണ്. പൊതുവെ മങ്ങിയ തവിട്ടുനിറത്തിലുള്ള പെൺപക്ഷികളുടെ കീഴ്ച്ചിറകുമൂടികൾ കറുത്തതാണ്. മേൽമുതുകിലും മാറിടത്തിലും കുത്തനെയുള്ള വരകൾ വ്യക്തമായി കാണാം. തുറസ്സായ കുറ്റിക്കാടുകൾ, ഈർപ്പമില്ലാത്ത നെൽവയലുകൾ, ചെങ്കൽപ്രദേശങ്ങൾ എന്നിവിടങ്ങളിൽ കാണുന്നു.