ചെങ്കൽനിറത്തിൽ മുകൾഭാഗമുള്ള ഇവയുടെ തലയ്ക്ക് ചാരനിറമാണ്. കണ്ണിനു താഴേക്ക് ഇരുണ്ട നിറത്തിലുള്ള ഒരു വര കാണാം. മങ്ങിയ മഞ്ഞനിറത്തിലുള്ള അടിഭാഗം വരകളും പുള്ളികളും നിറഞ്ഞതാണ്. പെൺപക്ഷിയുടെ മുകൾഭാഗത്ത് വിളറിയ ചെങ്കൽനിറത്തിൽ ഇരുണ്ടപാടുകൾ കാണാം. പിൻകഴുത്തും മൂർദ്ധാവും കറുത്തവരകളോടുകൂടിയതാണ്. ചെമ്പൻനിറത്തിലുള്ള വാൽ ഇരുണ്ടപാടുകൾ നിറഞ്ഞതാണ്. പുൽമേടുകളിലും കൃഷിയിടങ്ങളിലും കാണപ്പെടുന്നു.