മങ്ങിയ ചാരനിറവും വെള്ളയും കലർന്ന മുകൾഭാഗമുള്ള ഈ ആളയുടെ കൊക്ക് തടിച്ചതും മഞ്ഞനിറത്തോടുകൂടിയതുമാണ്. തലയിലും പിൻകഴുത്തിലും കറുപ്പുനിറമുണ്ട്. അറ്റം രണ്ടായിപ്പിരിഞ്ഞ വാലുള്ള ഇവയുടെ കാലുകൾക്ക് ചുവപ്പുനിറമാണ്. പ്രജനനകാലത്തെ പക്ഷികൾക്ക് തലയിലെ മങ്ങിയ ചാരനിറത്തിൽ കറുത്തവരകളും പാടുകളും കാണാം. ഇവയുടെ വാലിന്റെ രണ്ടായിപ്പിരിഞ്ഞ അഗ്രഭാഗം പൊതുവെ ചെറുതായിരിക്കും. നദികൾ, ഉൾനാടൻ ജലാശയങ്ങൾ എന്നിവിടങ്ങളിൽ കാണുന്നു.