കറുപ്പൻ തേൻകിളിയെക്കാൾ വലതും താഴേക്ക് കൂടുതൽ വളഞ്ഞതുമായ കൊക്കാണ് ഇവയ്ക്ക്. ഇവയുടെ മുകൾഭാഗത്തിന് ഇരുണ്ടു തിളങ്ങുന്ന നീലനിറമാണ്. മാറിടത്തിലും തൊണ്ടയിലും തിളങ്ങുന്ന പച്ചയും പർപ്പിൾ നിറവും കലർന്നുകാണാം. മാറിൽ മറൂൺനിറത്തോടുകൂടിയ ഒരു പട്ടയുണ്ട്. ചിറകുകൾക്കും വയറിനും ഗുദത്തിനും ബ്രൗൺനിറമാണ്. പെൺപക്ഷികൾക്ക് ഒലീവ് നിറമുള്ള മുകൾഭാഗവും വിളറിയ മഞ്ഞനിറമുള്ള അടിഭാഗവുമാണ്. പൂർണവളർച്ചയെത്താത്ത ആൺപക്ഷികൾ പൊതുവെ പെൺപക്ഷികൾക്കു സമാനമാണ്. പക്ഷേ, കറുപ്പോടുകൂടിയ ഒരു വര ഇവയുടെ തൊണ്ടയ്ക്കും മാറിടത്തിനും നടുവിലായി കാണാം. പൂന്തോട്ടങ്ങളിലും തോട്ടങ്ങളിലും കാടിന്റെ അരികുകളിലും കണ്ടുവരുന്നു.